Historienkalender 2022 Leseprobe

59 Ick doo mi immer noch stuur mit dat Woord „Stadt“, wenn dat üm Schörtens geiht. Dat fröhere „Gem-e-e-n“, dat klung doch vööl gefälliger as dat hard Woord „STADT“, de wi ja nu siet 2005 sünd. Mi geiht de Naam aber ok nich so good över de Tung, wiel för mi achter Schörtens de groot Kumplex mit twalv Oortsdelen steiht, nämlich Schörtens, Heidmöhlen, Graafschaft, Accum, Sillen­ stee, Schoost, Roffhusen, Middelsfähr, Ad- dernhusen, Oestringfelde, Ostiem un Up- jever. Heidmöhlen is de zentraal Oortsdeel van de relativ junge Stadt Schörtens, un dat is, allgemeen seggt, ok mien Wohnoort, wenn mi een daarna fragen deit. Persönelk kreeg ick mit de daarmalig Ge- meen Schörtens eerstmaals 1967 Kuntakt. To de Tied, ick wohn noch in Willemsha- ben, hebb ick nämlich mien tokünftige Froo Gisela kennenlehrt, un de wohn in Heid- möhlen, in dat sonömte „Schaap-schiet- möhlen“ in de Ollenbörger Straat. Un daa- rüm geiht dat ok in mien hüütig Bidrag, üm disse Straat in disse Oortsdeel. Na dree Jahren, also 1970, hebbt Gisela un ick uns Plünnen tosamensmeten, wohnten twee Jahren in Willemshaben un sünd 1972 in uns neei Huus in’n Heidmöhler Eschen- weg trucken. Dat gifft natürlich egentlich blot een Grund, waarüm man een Froominsch uplest heira- den deit, wiel man se leev hett. Ick harr aber ok noch’n tweden Grund, mien daarmaa- lig Fründin Gisela nich wedder lostolaten, – ick harr nämlich faststellt: „Das höchste der Gefühle ist ein Mädchen aus Heidmüh- le!“, een Snack, de vandaag noch in uns Oortsdeel ümlopen deit. Un nu koomt wi also to dat Koopladenzen- trum Ollenbörger Straat, över dat ick ver- tellen will, denn mien Froo hett fröher mit Achternaam Hetz heten, un disse Naam is för Heidmöhlen een Begripp as Görneree Hetz mit sien Blömenladen. Görner Fritz Hetz harr in mien Kennen- lehrtied sien Wohn- un Geschäftshuus al in de Ollenbörger Straat 19. So as mien Froo mi vertellt hett, hebbt se vörher mit dree Hetz-Famieljen in een grötter Wohnhuus in de Heinrich-Tönjes-Straat leevt, waar hör Opa’n lütt Görnerbedriev harr, in de hör Va- der arbeiten dee, tegenöver van dat Fiskge- schäft Ludwig Jannssen. Na sien Kriegsgefangenschaft 1947 hett he de lütt Bedriev daar övernomen. An’t Enn van de 40er Jahren köff he denn up anner Sied van de Heinrich-Tönjes-Straat een groot Stück Land un fung an, sück daar een Görneree mit Gewächshuus an Gewächs- huus uptoboon. Een nejen Togang to sien Görneree kreeg Fritz denn 1952, as he dat daarmaals lütt Wohnhuus in de Ollenbör- ger Straat 19 köfft un na Üm- un Anbau- ten daarut een Wohn- un Geschäftshuus mit‘n Blömenladen daarvör maakt hett. De Autorin Karin Toben schreev maal in een Artikel över de Görneree: „Gärtnerei Mien neje Heimat in Freesland – Heidmöhlen – Strieptog dör dat Koopladenzentrum Ollenbörger Straat V an Hans-Jörg Beyer, Heidmöhlen (1) De Görnereekumplex mit’n Deel van de Ollenbörger Straat.

RkJQdWJsaXNoZXIy MTUzODc=